Ég í London
"Tube strike threat" var fyrirsögnin hjá einu blaðana hérna í London og ég fór því að velta fyrir mér hvernig "lífið" héldi áfram í þessari borg sem að mér virðist reiða sig ansi mikið á að tubið virki til að allar samgöngur haldi, um helgar eru þessar og hinar leiðirnar lokaðar vegna framkvæmda og viðhalds og getur maður lent í því að ferðast borgina þvera og endilanga til að komast á milli staða, og nú þar sem að ég er að fara að vinna frekar langt frá heimili okkar þarf ég að treysta ansi vel á þessi samgöngutæki sem að ég er rétt að byrja að skilja hvernig ég á að nota, krosslegg ég fingur og vona að strikeið verði ekki, annars þarf ég að hugsa uppá nýtt!!!! kannski eru Londonarbúar búnir að hugsa lengra en ég með þetta mál og vita hvernig þeir geta bjargað sér á milli ef tubið er ekki til staðar, veit ekki þarf að komast að því.
London í mér
Ok núna er þessi borg alveg að sökkva inní mig, eða nálgast það allavegana. Vissulega er mér búið að takast að týnast hérna eins og hægt var nú að gera ráð fyrir þar sem að ég týnist ef ég fer út fyrir 101 Reykjavík, en með því að týnast hérna fékk ég að sjá Abbey Road studio og eitt frekar slæmt hverfi Lundúna, en í öllu mínu cooli lét ég það nú ekki á mig fá og hafði uppá næstu tubestöð og komst þar með í fangið á mínum heittelskaða sem vissulega var að fara yfirum á að ég væri "bara einhversstaðar", sem var mín besta útskýring þegar spurður um hvar ég væri.
Búinn að kíkja í atvinnuviðtal, á ensku, gekk vel og ég bara bíð núna.
En aftur aðeins að borginni því ekki fyrir svo löngu síðan var ég í New York og sú borg átti svo vel við mig og núna eftir þennan tíma hérna er ég búinn að sjá afhverju, NY er svo skipulögð á meðan London er útum allt þvers og kruss og ég gjörsamlega inní mér og sé ekki neinar áttir, en skildi ég venjast því og einhvern daginn getað farið hérna um án þess að týnast? vonandi.
Annars er frábært að sitja úti á svölum drekka morgunkaffið og fylgjast með íkornunum í garðinum, hoppa í grasinu og leita sér að fæði, heima er allt í frosti og snjó, i´m happy :)
