Breyting
olríti ðen...já til að ná mér í meiri veraldarreynslu er ég fluttur til London :) flugum út í gær og erum svona að koma okkur fyrir í litlu sætu íbúðinni okkar hérna, og ég get alveg sagt það að þetta leggst bara nokkuð vel í mig, að vakna upp við fuglasöng í ca.13 stiga hita í nýrri borg er sko ekki leiðinlegt. Planið fyrir næstu daga er svo bara að kynnast borginni og redda mér vinnu, svona ef ég nenni, og njóta lífsins bara, ég meina hvað þarf maður meir?
tilbreyting
já stærsti viðburður lífs míns þessa dagana var að labba niðrí bæ og mér til mikillar gleði sá ég að Odd Nerdrum hefur lagt Hvítu víkingskápunni og er kominn í ansi herralegan frakka, já ekki alveg sama ásýnd en skemmtileg tilbreyting.
Fór í KB banka á vesturgötu til að losa mig við tugi þúsunda sem við höfðum safnað uppí krukkum hér og þar og mér til mikilla skelfingar var gjaldkerinn þar með allan vanda heimsins á herðum sér og ég var þarna mættur til að leggja líf hennar endanlega í rúst og fékk sko alveg að finna fyrir því að ég hafði ekki flokkað erlenda mynt frá þeirri íslensku og stóð hún og grýtti myntinni sem fastast á borðið til að leggja áherslu á hvað ég væri nú búinn að gera HENNI og eftir að ég var búinn að taka smá kast á hana sá ég að alheimsvandamál hennar væru stærri en ég hefði áhuga á að takast á við þarna í litla útibúinu, þannig að ég sá mér fátt annað fært en að biðja hana innilegrar afsökunar á þessu, og þvílík vitleysa þetta væri nú hjá mér að vera að bera allt þetta klink með mér heim, hefði nú frekar átt að gefa einhverjum fátæklingnum það, þakkaði svo innilega fyrir mig og óskaði henni góðrar helgar.....samstarfskonurnar flissuðu í sínum básum og ég gekk sæll út með seðlana mína.
tilbúinn í næsta kafla
já í fullri auðmýkt hef ég opnað nýtt blogg eftir að hitt krassaði vegna vírussýkingar í sálinni og hafði ég hugsað mér að þetta yrði mitt ferðablogg þar sem aðeins yrði skráð heimsferðir en vegna lélegs minnis og spéhræðslu er það ekki alveg að ganga en ég get þó sagt það að komandi tímar munu vera skemmtilegir til frásagnar og ég mun blogga öllu því sem siðsamlegt verður, en meir um það síðar þegar líf mitt hefur tekið jakkaskiptum, en hringferlið er....hættur hjá Pennanum, búinn að selja og tilbúinn í nýtt líf. og nú er bara að bíða.
